Enpòtans imaj nan mesaj evanjelik jodi a.

Nan tan lontan, mesaj evanjelik te pase prensipalman atravè pawòl ak ekriti. Men jodi a, avèk devlopman teknoloji, imaj ak lòt fòm miltimedya vin jwe yon gwo wòl nan fason nou anonse levanjil la. Imaj pa senpleman fè mesaj la bèl — li ede moun konprann, santi, epi sonje pawòl Bondye a pi byen.

Kisa miltimedya ye, e kijan li sèvi mesaj levanjil la?
Miltimedya se yon mo ki kopoze an 2 pati: "milti" (ki vle di plizyè) ak "medya" (ki vle di mwayen). Se tout teknoloji oswa zouti ki itilize plizyè fòm kominikasyon ansanm: tèks, imaj, videyo, son, animasyon, elatriye.
Lè yon legliz itilize imaj ak son nan yon predikasyon oswa sou rezo sosyal, se miltimedya li itilize pou pataje levanjil la.

Egzanp kote miltimedya ede nan mesaj evanjelik jodi a:
1. Telefòn mobil nou
● Lè w ap gade yon predikasyon sou YouTube, li konbine imaj, son, ak pafwa tèks: sa se miltimedya ki sèvi pou levanjil.

2. Prezantasyon nan sèvis legliz
● PowerPoint, Google Slides sèvi ak tèks biblik, imaj Jezi, ak mizik pou touche kè fidèl yo.

3. Sit entènèt kretyen
● Yo mete vèsè, videyo evanjelik, mizik, ak foto pou atire moun e evanjelize yo.

4. Jwèt oswa app biblik
● Pou timoun aprann Bib la, yo itilize aplikasyon ak imaj, animasyon ak mizik.

Poukisa imaj ak miltimedya enpòtan nan levanjil jodi a?
Fè Pawòl Bondye a pi fasil pou konprann: Yon senp imaj Jezi ki soufri ka di plis pase 1,000 mo.

Bay plis atansyon: Videyo ak foto biblik atire moun sou rezo sosyal yo.

Touche kè: Mizik ak videyo temwayaj ka leve lafwa moun.

2 Fòm miltimedya nou itilize nan evanjelizasyon:
1. Miltimedya pasif:
● Moun gade oswa tande, san entèraksyon (predikasyon sou videyo, fim biblik).

2. Miltimedya entèaktif:
● Moun patisipe (app biblik, jwèt edikatif pou timoun). Pou fini Miltimedya, espesyalman imaj, se yon zouti ki trè enpòtan pou pèmèt mesaj Bondye a rive pi lwen, pi vit, epi plis klè. Nan yon jenerasyon kote tout bagay fèt sou ekran, legliz la pa dwe rete dèyè.

Lè nou sèvi ak imaj pou evanjelize, se pa yon fòm distraksyon, men yon fason pou mete limyè sou verite Bondye a.

Publié par Ernst Saint Jean